Termat Ligjore

A. Përcaktime dhe kushte ligjore

Faqja www.digitalb.al (“faqja”) është pronë eskluzive e DigitAlb SHA, me seli në Tiranë, Shqipëri (në vijim refuar si “DigitAlb”).

Hyrja dhe hulumtimi në Faqe nga Përdoruesit individualë aktualisht është pa pagesë dhe rregullohen nga pranimi termave dhe kushteve të parashikuara në këto norma ligjore. Përdoruesi bie dakort se Faqja mund të jetë e përdorshme për përdorim personal nëpërmjet një kompjuteri ose një pajisjeje të ngjashme që ofron lidhje me Faqen.

DigitAlb ruan të gjitha të drejtat që në të ardhmen të vendose vlera për hyrjen ose hulumtimin në Faqe, në të gjithë faqen ose në pjesë të veçanta të saj sipas natyres, me kushtin bazë që Përdoruesit të njoftohen më parë për këtë shërbim me pagesë.

Përdoruesi njihet dhe bie dakort se:

-DigitAlb rezervon të drejtën të modifikojë përcaktimet dhe kushtet e cituara në termat ligjorë në çdo moment dhe t’ua komunikojë ato Përdoruesve përmes një njoftimi të përgjithshëm të vendosur në Faqe.

– Keto terma ligjore të modifikuar do të përbëjnë termat e rinj të modifikuar që do të sigurojnë hyrjen dhe hulumtimin në faqe.

B. Koncepte bazë të përdorura në Faqe:

– DigitAlb: shoqëri tregëtare e liçensuar si platformë numerike tokësore, satelitore dhe OTT.

– Përdorues: çdo person fizik apo individ që hyn në Faqen e DigitAlb duke shkruar domain e tij.

– Faqe: www.digitalb.al

– Përmbajtje: gjithçka që përmban Faqja e DigitAlb

C. Të drejtat e pronësise intelektuale

Përmbajtja e faqes si: tituj, veprat, imazhet, fotografitë, dialogjet, muzika, tingujt, video, tekstet dhe çdo material tjetër në çfarëdo lloj formati, por jo vetëm, menute (dritaret), faqet web (internetit), grafikat, ngjyrat, skemat, instrumentat, karakteret, design (vizatime dhe të ngjashme), diagramë, layouts, metoda, proçese dhe/apo funksione të software (individuale dhe/ose përbëra përmbajtje, ose të lidhura me to dhe/ose logo, trailer, sekuenca jane pronë eksluzive e DigitAlb ose në përdorimin e tij ekluziv dhe në çdo rast nuk munden në asnjë formë apo mënyrë të përdoren pa pëlqimin me shkrim të DigitAlb.

Përdoruesi bie dakort se gjatë përdorimit të kësaj Faqe nuk do të: kopjojë, modifikojë, shfaqë, shpërndajë, transmetojë/ritransmetojë, shesë, publikojë, transferojë apo te vendos në dispozicion informacione apo shërbime të kësaj Faqe.

Përdoruesi bie dakort me hyrjen në këtë Faqe se nuk do të transmetojë përmbajtje të ndaluar, fyese, të pahijshme, pornografike, kanosese, kërcenuese, raciste, diskretituese, në shkelje të privatesise konfidencialitetit, të cënojë të drejtat e pronësise intelektuale, te drejta autori dhe të lidhura me të, të drejta transmetimi, të dënueshme dhe/ose të paligjshme në raport me legjislacionin ne fuqi.

Përveçëse kur në faqe parashikohet shprehimisht ose jo, përmbajtja mund të shihet dhe/ose të dëgjohet vetëm në formatin “Streaming”. Me “Streaming” nënkuptohet forma e shikushmerisë dhe të dëgjuarit të permbajtjes në kohë reale dhe pa nevojën dhe /ose mundësine e riprodhimit, të përkohshme ose të përheshme, shpërndarjes ose rishpërndarjes, komunikimit me publikun ose një në lloj tjetër të përdorimi të çdo forme ose mënyre të ndryshme nga ajo e streaming të përcaktuar më lart.

Në rastin hipotetik kur në faqe do të jepen kode, linqe që lidhen me përmbajte specifike, këto kode mund të përdoren nga përdoruesit vetëm me perdorim të drejtëpërdrejtë, personal ose privat me kusht që ky përdorim të mos kryhet për qëllime direkte ose indirekte tregëtare ose për qëllime përfitimi.

Çdo rast përdorimi i kodeve dhe/ose i përmbajtes në shkelje të limiteve të përcaktuara në termat ligjore ose në çdo rast në kundërshtim me përcaktimet e ligjit do të ndiqet nga DigitAlb.

Markat dhe logot e DigitAlb duke përfshire edhe emrin e domaein-it ”digitalb.al” dhe “digital.tv” janë në përdorim eksluziv të DigitAlb. Këto marka dhe domaine nuk mund të përdoren në asnjë rast pa pëlqimin paraprak me shkrim të DigitAlb.

D. Lidhjet me faqet e tjera

Faqa e DigitAlb mund të përmbaje lidhje me (link-e) të faqeve të tjera që nuk kanë asnjë lidhje me Faqen. DigitAlb nuk kontrollon dhe as nuk kryhen veprime monitorimi me këto faqe të tjera të lidhura, mbi përmbajen e tyre ose rregullat e tyre. Link-e të tjerë të mundeshem në faqe të tjera, nuk mund të përcaktohen në asnjë rast si aktivitet i DigitAlb për promocion të tyre ose të permbajtes së tyre të publikuar.

E. COOKIES

Në faqe mund të jenë present “cookies” që nuk ruhen në menyrë të përhershme në komjuterin e Përdoruesit dhe nuk shfaqen me mbylljen e lidhjes në Faqe me qëllimin për t’ju lejuar Përdoruesve të përmiresojnë përdorimin e Faqes.

Përdoruesit që nuk preferojnë të marrin cookies mund të përshtasin aplikacionet e tyre në kompjuter në formë të tillë që të njoftohen për marrjen ose jo të cookies dhe të vendosin nëse i pranojne ose jo. Aplikacionet mund të pershtaten që ne fillim në formën për të mos pranuar automatikisht të gjithë cookies. Në këtë rast, Përdoruesi mund të mos jetë në gjendje të hyjë në të gjitha shërbimet e diponueshme në Faqe.

F. Kufijtë e përgjegjësisë

Përdoruesi merr përsipër dhe në çdo rast bie dakort se hyrja e tij dhe hulumtimi i tij në Faqe është totalisht në riskun e tij dhe nën përgjegjësinë e tij të plotë dhe ekskluzive.

Përdoruesi mer përsiper dhe bie dakort se Faqja është në formën ekzistuese (siç eshte kur ai hyn në të ) dhe mundet që përkohesisht të jetë e padisponueshme për të hyrë ose të ketë defekte ose vonesa.

DigitAlb nuk mban asnjë përgjegjësi për përmbajtjen, materialet dhe/ose informacionin e përfshire në Faqe nga Përdoruesit e tjerë në vendet e percaktuara virtualisht të cilat DigitAlb i vendos në dispozicion të Përdoruesve për një përdorim interakiv të faqes.

DigitAlb nuk do të jetë përgjegjës për asnjë humbje ose dëm që rrjedh në një menyrë apo një tjetër nga përdorimi ose funksionimi i Faqes, duke përfshire pa asnjë limitim, asnjë lloj dëmi për humbje të interesave tregëtare, humbje të dobësisë, ndërprerje të aktivitetit, humbje të informacioneve tregëtare dhe/ose çdo lloj humbje apo dëmtim të interesave, përjashtuar rastet që vijnë për faj të rendë të DigitAlb.

G. Njoftimet për abuzimet

Përdoruesit që kanë konstatuar çfaredo lloj shkelje që e konsiderojnë të papërshtatshme, ofenduese ose vulgare janë të ftuar të njoftojne menjëherë DigitAlb, duke plotësuar një formular të njoftimeve për shkeljet që gjenden në Faqe (duke vendosur mausin mbi formular).

Përdoruesi është i ftuar të bëjë një përdorim të përgjegjshëm të njoftimeve të tij. Njoftimet që rezultojnë të pabazuara dhe/ose të paligjshme do të jenë përgjegjeësi direkte e përdoruesit ndaj të cilit DigitAlb ndërmerr masa ligjore sipas rastit.

H. Ligji i aplikueshem

Termat ligjore bazohen në legjislacionin shqiptar në fuqi.

- Digit-Alb: Shoqëria "Digit-Alb" sh.a., e regjistruar në Gjykatën e Rrethit Gjyqësor, Tiranë, me numër NIPT K41719004D, e cila kryen aktivitet kryesisht në përhapjen e sinjalit televiziv dixhital sipas licencimit të saj, dhe ofron shërbime telekomunikimi me shikuesit e tij.

- Kontratë: Është dokumenti i cili nënshkruhet nga palët dhe e lidh marrëveshjen mes tyre
në formë të ligjshme.

- Blerje Online: Do të thotë blerje e produkteve apo shërbimeve të ofruara nga Digit-Alb
nëpërmjet faqes së internetit të Digit-Alb brenda ose jashtë territorit të Republikës së
Shqipërisë.

- Faqja e internetit Digit-Alb: Është www.digitalb.al (në vijim referuar faqja)

- Data e hyrjes në fuqi: Data e konfirmimit (dhënies së miratimit) në formë elektronike të termave
dhe kushteve të përgjithshme nga blerësi.

- Palët: Digit-Alb dhe Blerësi, i cili kryen blerjen online.

- Pikë e autorizuar shitjeje: Janë të gjitha pikat e autorizuara të Digit- Alb brenda territorit të Republikës së Shqipërisë, te të cilat ofrohen produktet dhe shërbimet e Digit-Alb kundrejt
çmimeve zyrtare të këtij të fundit, ku mund të nënshkruhet një kontratë në emër të Digit-Alb.

- Blerësi (Abonenti): Të gjithë individëd që kanë mbushur moshën 18 vjeç dhe zotërojnë një
letërnjoftim ose pasaportë, si dhe personat fizikë apo juridikë që zotërojnë një NUIS dhe që lidhin
kontratë me Digit-Alb, për të bërë të mundur përfitimin e shërbimit dixhital televiziv tokësor/satelitor vetëm për përdorim vetjak, pa të drejtë rishpërndarjeje, duke pranuar kushtet e kësaj kontrate. Abonimi kryhet me anë të përzgjedhjes së një pakete që përmban
një paketim të caktuar të disa kanaleve TV.

- Produkt: Janë programe/kanale, televizive dhe jo televizive, të ofruara nga Digit-Alb, për çdo
përdorues i cili ka një aparat marrës, Kartë Smart
dhe abonimin përkatës.

- Aparati marrës: Është pajisje elektronike që përdoret për marrjen dhe përpunimin e sinjalit tokësor, satelitor dhe të internetit, nga pika e transmetimit të Digit-Alb, me qëllim shfaqjen e përmbajtjes së komunikimit audioviziv në aparatin televiziv të
përdoruesit.

- Antenë: Antena televizive që përdoret për marrjen e sinjalit dixhital për shërbimet televizive, si
përditësime të programeve të aparateve marrëse, shërbimeve interaktive, etj. Antena satelitore
parabolike shërben për marrjen e sinjalit satelitor, ndërsa antena tokësore për marrjen e sinjalit
tokësor, e optimizuar për shërbimet në bandën UHF.

- Karta Smart: Kartë, që së bashku me aparatin marrës, mundëson hapjen e kanaleve televizive
dixhitale në aparatin televiziv të blerësit, gjatë periudhës së abonimit. Kjo kartë shitet së
bashku me aparatin marrës në momentin e lidhjes së kontratës nga Digit-Alb sh.a.

- Abonimi: Aktivizimi i kartës smart kundrejt pagesës për një periudhë të paracaktuar kohore dhe për
një grup të caktuar kanalesh që Digit-Alb ofron. Çmimi i saj ndryshon në varësi të kanaleve dhe
afatit të shërbimit që zgjedh përdoruesi, si dhe politikave të Digit-Alb.

- Abonim tokësor/satelitor: Ju duhet të keni marrë detyrimisht informacion mbi hartën e mbulimit me sinjal përpara se të kryeni porosinë tuaj, për të zgjedhur produktin e
përshtatshëm. Me miratimin e kësaj kontrate, ju konfirmoni shprehimisht se jeni njohur me hartën
përkatëse të mbulimit me sinjal.

- Instalim/montim: Shërbim instalimi/montimi për aparatin marrës në banesë/njësi shitjeje apo të tjera, nga njësi të specializuara dhe të autorizuara nga Digit-Alb. Shërbimet e montimeve, instalimeve, apo edhe riparimet e defekteve të mundshme të aparatit marrës, kryhen
kundrejt pagesës, në bazë të çmimeve në fuqi të vendosura nga Digit- Alb.

- Servis: Shërbimet e servisit janë njësi shërbimi pranë Digit-Alb sh.a. apo palë të autorizuara nga Digit-Alb, me qëllim kryerjen e shërbimit të riparimit të antenave satelitore dhe tokësore,
aparatit marrës dixhital, kur ky nuk mund të kryhet nga vetë blerësi.

- Aktivizimi: Procesi teknik që mundëson blerësin/abonentin të përdorë shërbimin e përzgjedhur/blerë
të ofruar nga Digit-Alb, pasi është pajisur me aparatin marrës dhe Kartën Smart.

- Anulimi/Përfundimi i abonimit: Koha dhe gjendja kur të gjitha shërbimet, në të cilat abonenti (blerësi) ka patur akses, janë anuluar/përfunduar, dhe nuk mund të
përfitohen me shërbim pa riabonim.

- HDD: Ose ndryshe e referuar si Hard Disk Drive, është pajisje e ofruar nga Digit-Alb, e cila e
përdorur në kombinim me aparatin marrës dhe Kartën Smart, mundëson shërbime shtesë si: PVR dhe
PushVOD, TS etj.

- PushVOD: Është një formë e teknologjisë VOD (video on demand, sherbim audioviziv sipas kërkesës), ku abonenti ka mundësi të konsumojë materialet video që ndodhen në HDD-në e
tij.

- PVR: “Personal video recording” është teknologjia që mundëson blerësin/abonentin, e pajisur me aparatin marrës dhe HDD, të regjistrojë pjesë të ndryshme te kontentit audioviziv nga kanalet dixhitale që Digit-Alb ofron, vetem me qëllim të përdorimit vetjak.

- TS: “Time shift“ është një formë e teknologjisë, e cila i jep mundësinë blerësit/abonentit të ndalojë/të bëjë pause programin në transmetimin linear në harkun e një ore, për ta riparë
në një moment të dytë.

- WiFi USB: Në këtë rast është pajisje shtesë që mundëson lidhjen e aparatit marrës me
internetin.

1. Objekti i kontratës

Ofrimi i produktit për blerësin, kundrejt blerjes online të aparatit marrës dixhital,
Kartës Smart dhe kartës së abonimit (sipas kategorisë së parapëlqyer prej tij) dhe pajisje të tjera
ndihmëse.

2. Kohëzgjatja

Kjo kontratë hyn në fuqi në datën e aktivizimit të kartës/shërbimit audioviziv dhe do të
vazhdojë për të gjithë periudhën që abonenti/ blerësi do të jetë i abonuar, pra do të ketë
parapaguar shërbimin, në varësi të kategorisë që ai ka zgjedhur. Në rast se blerësi blen vetëm
aparatin marrës, kjo kontratë hyn në fuqi ditën e blerjes dhe vijon deri në datën e përfundimit të
garancisë së produktit.

3. Tarifat dhe pagesat

Me nënshkrimin e kësaj kontrate, blerësi bie dakord të paguajë shumën e caktuar sipas përzgjedhjes
që ka bërë kryesisht, për marrjen e shërbimit të programeve televizive me pagesë për periudhën e abonimit të zgjedhur dhe kushteve që ofron paketa e përzgjedhur. Në përfundim të
kësaj periudhe, blerësi mund të kërkojë të rinovojë abonimin, por Digit- Alb rezervon të drejtën e
ndryshimit të tarifave, në varësi të ndryshimeve të mundshme ligjore apo ekonomike, politikave
të tij dhe ofertave sezonale.

4. Lidhja me sistemin e transmetimit

Çdo individ, person fizik apo juridik, pasi ka blerë online nëpërmjet faqes zyrtare të internetit
të Digit-Alb apo pranë pikës së shitjes përkatëse, aparatin marrës dhe Kartën Smart, kthehet në
përdorues të sistemit dixhital televiziv të shërbimit audioviziv tokësor dhe satelitor, fillimisht
duke plotësuar dhe rënë dakord për të gjitha pikat e kësaj kontrate dhe menjëherë pasi të ketë
lidhur aparatin marrës (përfshirë Kartën Smart) me aparatin televiziv dhe antenën e tij. Për të
bërë të mundur përfitimin e sinjalit televiziv, përdoruesi duhet të blejë online një nga abonimet e
afishuara në faqen zyrtare të Digit-Alb dhe/ose të blejë në çdo pikë shitjeje të autorizuar të
këtij të fundit.

5. Njohja e kushteve nga blerësi

Blerësi është plotësisht në dijeni të termave dhe kushteve të kësaj kontrate tip, dhe
deklaron e konfirmon se e ka kuptuar e pranuar me vullnet të plotë se përdorimi i shërbimit dhe
produkteve prej tij, duhet bërë në përputhje me udhëzuesin e aparatit marrës që ndodhet në kutinë e aparatit. Për të tjera paqartësi mund t’i drejtohet udhëzimeve përkatëse të Digit-Alb
që janë publike në faqen e Digit-Alb, dhe/ose me kërkesë të blerësit në numrat e kontaktit/postës
elektronike (e-mail), për sa nuk përcaktohet në këtë kontratë.

6. Shërbime pas blerjes

6.1. Në rast se karta smart humbet, blerësi duhet të paraqitet në një pikë shitjeje të autorizuar së
bashku me kontratën e blerjes dhe me një dokument identifikimi. Në rast se blerësi nuk e zotëron
kontratën e blerjes, kompensimi i abonimit të mbetur nuk mund të kryhet. Karta smart e humbur,
zëvendësohet kundrejt pagesës së barabartë me çmimin zyrtar që ka përcaktuar Digit-Alb,
në çastin e reklamimit të humbjes së Kartës Smart nga blerësi/abonenti.

6.2. Në rast se karta smart dëmtohet, blerësi bie dakord se duhet të njoftojë menjëherë shërbimin e
klientit të Digit-Alb, ose të drejtohet në pikën më të afërt të autorizuar të shitjes dhe e
zëvendëson atë kundrejt pagesës sipas çmimeve në fuqi të publikuara të Digit-Alb, në faqen e
internetit ose në çdo pikë shitjeje.

6.3. Në rast se karta smart rezulton me defekt, blerësi do të
kompensohet me një kartë smart të re, pa pagesë, tek e cila do të ketë dhe abonimin e mbetur.

7. Të drejtat dhe përgjegjësitë e Digit-Alb

7.1. Digit-Alb është i detyruar të njoftojë blerësin mbi kushtet e përgjithshme: mënyrën e dhënies së shërbimit (afati, çmimi, etj.), rregullat e aplikuara për kryerjen e pagesave online për blerjen e produkteve të Digit-Alb, rregullat e përdorimit të aparatit marrës, të kartave smart, të abonimit dhe lidhjen me aparatin televiziv, si dhe zonën e
mbulimit të shërbimit në fjalë.
Ky informacion jepet në çdo pikë të autorizuar të Digit-Alb dhe/ose në format e kontaktit të
përcaktuara në faqen e saj në internet.

7.2. Digit-Alb garanton se do të ofrojë për blerësin një shërbim cilësor pa ndërprerje, për sa kohë
që kjo do të jetë e mundur teknikisht për të gjithë zonën e mbulimit. Shërbimet mund të ndërpriten
për shkak të forcave madhore, mirëmbajtjes periodike të sistemit,
përmirësimeve/përditësimeve në sistem, si dhe përmirësimeve të cilësisë së shërbimeve televizive
apo shërbimeve të tjera të ngjashme me to, për arsye të ofrimit të një cilësie më të mirë të
shërbimit. Megjithatë, në rast të ndërprerjes së sinjalit apo shërbimit, klienti do të vihet në
dijeni për shkaqet e këtyre ndërprerjeve nëpërmjet njoftimeve zyrtare në kanalet e platformës dhe
në faqen e Digit-Alb.

7.3. Digit-Alb detyrohet të shqyrtojë në një kohë të përshtatshme, në përputhje me kuadrin ligjor në
fuqi, çdo ankesë të blerësit, që ka të bëjë me shërbimin e ofruar apo pajisjet e shitura. Çdo
ankesë e tij në lidhje me mungesën e shërbimit të dhënë, që sipas njohurisë së tij lidhen me
Digit-Alb, do të merret parasysh për shqyrtim nga palët, brenda periudhës në të cilën abonimi
është aktiv.

7.4. Digit-Alb nuk mban asnjë përgjegjësi në rastin e kalimit të së drejtës së përdorimit të kartës
smart nga ana e blerësit te një palë e tretë, në rast se kjo nuk vetëdeklarohet nga blerësi te një
pikë e autorizuar Digit- Alb.

7.5. Digit-Alb nuk mban asnjë përgjegjësi për dëmet e shkaktuara të
blerësit nga përdorimi i marrësit dixhital.

7.6. Digit-Alb mund të ndryshojë përmbajtjen e programeve të tij gjatë kohëzgjatjes së kësaj
kontrate, sipas politikave dhe programacionit që vendos Digit-Alb.

7.7. Digit-Alb njofton blerësin për shërbimin e rimbushjes së abonimit nëpërmjet e-mail ose
kontaktit telefonik të deklaruar nga vetë blerësi, për procedurën dhe tarifat përkatëse.

7.8. Rimbushja e abonimit si dhe blerja e produkteve të Digit-Alb me anë të kryerjes së pagesës
e-commerce (pagesa me karta nëpërmjet internetit), do të kryhet vetëm dhe në përputhje të plotë
me kushtet dhe termat e përcaktuara në faqen zyrtare të internetit të Digit-Alb, në
adresën www.digitalb.al.

7.9. Në momentin e nënshkrimit të kësaj kontrate, blerësi deklaron me vullnet të lirë se pranon
shprehimisht se ka dijeni të plotë mbi të gjitha kushtet dhe afatet e aplikuara për kryerjen e
pagesave e-commerce për blerjen e produkteve të Digit-Alb apo rimbushjes së abonimit.

7.10. Blerësi shprehimisht merr përsipër verifikimin e këtyre kushteve dhe afateve të përcaktuara
në adresën www.digitalb.al, në çdo rast të kryerjes së pagesave e-commerce për blerje produktesh të
Digit-Alb apo rimbushje abonimi. Digit-Alb nuk mban përgjegjësi në rast se pagesat e- commerce nuk janë kryer nga blerësi në përputhje me kushtet e publikuara në adresën zyrtare të Digit-Alb, www.digitalb.al, për kryerjen e pagesave e-commerce të blerësit.

7.11. Çdo ankesë e blerësit për shërbimet e munguara në kryerjen e pagesave e-commerce, do të
shqyrtohet në përputhje me kushtet e rëna dakord ndërmjet Digit-Alb dhe Bankës Raiffeisen, kushte
këto për të cilat blerësi deklaron se ka marrë njohuri të plotë.

8. Të drejtat dhe përgjegjësitë e blerësit

8.1. Të përdorë aparatin marrës të markës Digit-Alb, kartat smart dhe abonimet vetëm sipas udhëzimeve të dhëna nga Digit-Alb dhe udhëzuesit të përdorimit, dhe të mos kryejë asnjë
lloj ndërhyrjeje apo modifikimi që ndikon apo mund të ndikojë në prishjen apo marrjen e plotë të
sinjalit.

8.2. Të përdorë vetëm abonimet e ofruara nga Digit-Alb në pikat e saj të autorizuara apo të blera
online, në bazë të kushteve të kësaj kontrate.

8.3. Të mos përdorë dhe të mos lejojë persona të tretë të përdorin shërbimin e ofruar në
ambiente publike (vende që synojnë mbledhjen e publikut) duke përfshirë këtu edhe klube,
restorante, qendra të lotarive sportive, hotele, etj. si këto, përveçse në rastin e një autorizimi apo kontrate të posaçme të dhënë nga Digit-Alb. Në rast të kundërt, Digit- Alb do të
ndërpresë në mënyrë të menjëhershme shërbimin.

8.4. Të mos kryejë asnjë lloj veprimi kopjimi dhe shitje pirate të kartave
smart, si dhe të mos kryejë tjetërsimin e aparatit marrës.

8.5. Të ruajë dhe të mirëmbajë dekoderin brenda shtëpisë së tij dhe të mos kryejë asnjë remont apo
ndërhyrje tjetër në aparat.

8.6. Të përdorë antena të parametrave standarde dhe të rekomanduara nga Digit-Alb. Digit-Alb nuk
mban përgjegjësi për sinjalin, në rast se antena nuk është vendosur në vendet dhe me drejtimin e
përcaktuar si më sipër, apo kur pas instalimit, pëson ndryshime të pozicionit.

8.7. Blerësi pranon ta marrë shërbimin dixhital nga Digit-Alb, në mënyrën e ofruar prej
këtij të fundit në faqen e tij zyrtare.

8.8. Blerësi pranon kushtet e shërbimit të rimbushjes së abonimit nëpërmjet blerjes online
dhe njoftimit të tij me anë të e-mail apo SMS- ve, procedurën dhe tarifat përkatëse, dhe zgjedh
vetë nëse i përdor ose jo këto të fundit.

8.9. Blerësi merr përsipër të mbrojë personat nën moshën 18 vjeç që përdorin abonimin e tij, nga
përdorimi i programeve që ofron Digit-Alb dhe të mos lejojë që personat nën moshën 18 vjeç të kenë
akses në programet e koduara të Digit-Alb.

8.10. Blerësi bie dakord që Digit-Alb mund të kryejë sondazhe në lidhje me llojet e programeve për
të cilat blerësi është i interesuar, me qëllim përmirësimin e programeve të Digit-Alb dhe
plotësimin e kërkesave dhe nevojave të abonentëve.

8.11. Blerësi përfiton të gjitha të drejtat dhe detyrimet sipas kësaj kontrate, në rast se
ai ka blerë një Kartë Smart me abonim aktiv. Blerësi mund të blejë jo më shumë se 3 (tre) produkte
të të njëjtit lloj brenda një dite.

9. Forca madhore

Digit-Alb nuk mban asnjë përgjegjësi në rast se mospërmbushja e veprimeve të tij ka ardhur
si pasojë e një force madhore.

Konsiderohen forcë madhore: lufta (e shpallur ose jo), trazirat,
sabotimi, fatkeqësitë natyrore, tërmetet, shpërthimet, zjarri, embargot tregtare, grevat,
pandemitë dhe epidemitë, aktet e autoriteteve shqiptare apo të huaja me fuqi ekzekutive, shkeljet e
ligjeve nga ana e autoriteteve shtetërore apo personave të tjerë që ushtrojnë aktivitet në fushën
televizive. Digit- Alb do të bëjë të gjitha përpjekjet e mundshme, edhe në raste të forcës madhore,
që t'u sigurojë shërbim përdoruesve sipas kësaj kontrate.

10. Ndryshimi i kontratës

Me nënshkrimin e kësaj kontrate, blerësi bie dakord dhe pranon shprehimisht se Digit-Alb
rezervon të drejtën e ndryshimit të një mënyre të njëanshme të dispozitave të kësaj kontrate në
zbatim dhe/ose në përputhje me ndryshime të mundshme në legjislacionin në fuqi, apo për shkak të ndryshimit të rrethanave ekonomike. Në çdo rast, këto ndryshime nuk do të prekin kushtet
thelbësore të kësaj kontrate. Në raste të tilla, Digit-Alb duhet të bëjë njoftim paraprak në faqen
e tij, para kryerjes së këtyre ndryshimeve. Çdo ndryshim i kësaj kontrate do të jetë i vlefshëm
vetëm me miratimin e Digit-Alb.

11. Konfidencialiteti dhe mbrojtja e të dhënave personale

Asnjë informacion nuk do t’i bëhet publik palëve të treta nga palët, pa miratimin me shkrim të
palës tjetër, përveç rastit kur ligji parashikon ndryshe.

Digit-Alb deklaron dhe garanton se do
të mbledhë, mbajë, përpunojë apo mbajë në ndonjë mënyrë tjetër, çdo të dhënë personale lidhur me
abonentët, në përputhje të plotë me Ligjin nr. 9887, datë 10.03.2008 “Për mbrojtjen e të dhënave personale në Republikën e Shqipërisë”, legjislacionin e zbatueshëm dhe rregulloret
përkatëse, si dhe kushtet e kësaj marrëveshjeje. Në përputhje me nenin 18 të Ligjit nr. 9887, datë 10.03.2008 “Për mbrojtjen e të dhënave personale në Republikën e Shqipërisë”, Digit-Alb njofton blerësin se mbledh e përpunon të dhënat personale të këtij të fundit, që jepen gjatë
lidhjes
së kësaj kontrate, në hyrje të saj, për qëllime të identifikimit, statistikës, apo të komunikimeve të mëvonshme me blerësin, qoftë me postë, qoftë në formë elektronike, gjatë
kohëzgjatjes së kësaj kontrate.

Me nënshkrimin e kësaj kontrate, blerësi jep miratimin e shprehur për mbledhjen dhe përpunimin e të
dhënave personale të tij nga Digit-Alb, të specifikuara në këtë kontratë.

Të gjitha të dhënat e kartës së kreditit/debitit apo të dhëna të tjera financiare, nuk kanë asnjë
lidhje me Digit-Alb apo faqen e tij. Këto të dhëna janë të aksesueshme vetëm nga faqja
www.raiffeisen.al. Digit- Alb nuk mban asnjë përgjegjësi për të dhënat financiare pasi nuk ka asnjë
akses në to.
Në lidhje me të dhënat dhe numrin e telefonit të blerësit, ato kalojnë nga Digit-Alb te korrieri,
dhe Digit-Alb nuk mban asnjë përgjegjësi për përdorimin e tyre. Me konfirmimin e blerjes, blerësi
miraton se këto të dhëna do t’i kalojnë korrierit për të bërë të mundur transportin dhe dorëzimin e
porosisë së tij.

Me nënshkrimin e kësaj kontrate, blerësi jep miratimin e shprehur për transferimin e të dhënave
personale të tij nga Digit-Alb te shërbimi postar/korrieri, me qëllim përmbushjen e
detyrimeve kontraktuale.

12. Ligji i aplikueshëm

Kjo kontratë i nënshtrohet legjislacionit në fuqi të Republikës së Shqipërisë. Palët bien
dakord që çdo mosmarrëveshje që lind në lidhje me vlefshmërinë, interpretimin apo zbatimin e
marrëveshjes, të zgjidhet në Gjykatën e Juridiksionit të Përgjithshëm të Rrethit Gjyqësor Tiranë.
Për sa nuk parashikohet në këto terma, zbatohet legjislacioni shqiptar në fuqi.

13. Të ndryshme

Të gjitha pajisjet që janë manipuluar apo të cilave nuk mund t’u identifikohet numri
serial i prodhimit, janë të përjashtuara nga të drejtat dhe përfitimet e periudhës së garancisë.
Garancia e produktit u ofrohet vetëm blerësve të parë, pra ku është kryer instalimi origjinal i
aparatit marrës. Digit-Alb nuk mban përgjegjësi në rastin kur abonimi i kërkuar është autorizuar
për një Kartë Smart, e cila po përdoret në një marrës dixhital të palicensuar nga vetë shoqëria
Digit-Alb. Karta smart është e vlefshme për një periudhë 4 vjeçare që nga çasti i aktivizimit.
Karta smart
në çdo rast është në pronësi të Digit-Alb. Digit-Alb ka të drejtë t’i kërkojë blerësit kthimin e
kartës smart në çdo çast, duke e kompensuar me një kartë të re. Ankimimet në lidhje me abonimin do
të pranohen brenda një afati kohor prej 48 orësh.
Duke klikuar pranoj, ju deklaroni dhe pranoni shprehimisht se keni marrë dhe keni kuptuar të gjithë informacionin e nevojshëm lidhur me garancinë, zëvendësimet, transportin,
etj., sipas kësaj kontrate.

14. Deklarim i Blerësit/Abonentit

Deklaroj, nën përgjegjësinë time të plotë, se kam mbushur moshën 18 vjeç, dhe se i kam kuptuar
tërësisht dhe bie dakord plotësisht me të gjitha të drejtat dhe përgjegjësitë e sipërpërmendura të
kësaj kontrate. Deklaroj, gjithashtu, vlefshmërinë e të dhënave të plotësuara nga unë vetë në këtë
kontratë, si në pjesën “Informacione mbi Klientin”, edhe te “Të dhëna për t’u plotësuar nga
blerësi”.

DHËNIE PËLQIMI

“Për mbledhje e përpunim të dhënash personale”
Unë, blerësi, deklaroj se kam marrë dhe jam në dijeni të të gjithë informacionit të nevojshëm ligjor mbi legjislacionin për të dhënat personale, si dhe për të drejtat e mia që
burojnë dhe janë sanksionuar në Ligjin Nr. 9887, datë 10.03.2008 "Për mbrojtjen e të
Dhënave Personale" (në vijim "Ligji Për të Dhënat Personale"), i ndryshuar, si dhe Udhëzimi Nr. 16,
datë 26.12.2011 i Komisionerit për të Dhënat Personale "Për mbrojtjen e të dhënave personale në
tregtimin e drejtpërdrejtë dhe masat e sigurisë" dhe në aktet nënligjore të dala në zbatim të tij,
bazuar në nenin 6.1 të Ligjit "Për mbrojtjen e të Dhënave Personale", e me vullnet të plotë e të
lirë e duke qenë në dijeni të plotë për arsyen pse të dhënat do të mblidhen, ruhen e përpunohen, me
anë të këtij dokumenti jap miratimin/pranimin tim të lirë e të shprehur për të lejuar Digit-Alb
sh.a. me seli Tiranë, Shqipëri (në vijim "Digit-Alb") për mbledhjen, ruajtjen, përpunimin
e të dhënave të mia personale të mëposhtme:

1. Emër Mbiemër;

2. Adresa e saktë e banimit; Kodi Postar;

3. Numër telefoni;

me qëllim ekskluziv të përmbushjes së kërkesave që rrjedhin nga Kontrata për Blerjen
Online të Produkteve dhe Shërbimeve të Digit-Alb ku unë jam palë kontraktuese.

Në vijim, unë marr përsipër të informoj Digit-Alb sh.a në adresën e postës elektronike [email protected] për çdo ndryshim të të dhënave të mia personale të mësipërme apo për
çdo pasaktësi që vërej në të dhënat e mia personale te të dhënat e Digit-Alb sh.a. për
përmbushjen e kontratës, brenda 30 ditësh nga data kur kanë ndodhur ndryshimet.

Unë pranoj e bie dakord që afati për ruajtjen e të dhënave të mia do të jetë ai i përcaktuar në
legjislacionin në fuqi në territorin e Republikës së Shqipërisë: për Procedurat Tatimore,
për Kontabilietin dhe për Mbrojtjen e të Dhënave Personale, pra përgjatë gjithë periudhës së vlefshmërisë dhe 2 vjet pas përfundimit të kontratës për blerjen online të produkteve dhe shërbimeve të Digit-Alb ku unë jam palë kontraktuese.

Digit-Alb sh.a. është i detyruar të shkatërrojë ose të bëjë anonime të dhënat e mia personale pas
përfundimit të kësaj periudhe, përveç kur parashikohet ndryshe në bazë të një dispozite ose të një
akti tjetër të veçantë.

15. Mënyra e transportit dhe pagesës Transporti

Për arsye sigurie, në parim, të gjitha produktet e blera do të dorëzohen në adresën që vetë blerësi
vendos në çastin e blerjes së produktit.
Blerësi duhet të jetë i pajisur me një kartë krediti dhe/ose debiti bankare që mundëson
blerjet online. Në çastin e dorëzimit, për blerjet brenda Shqipërisë, blerësi firmos personalisht
ose firmos personi të cilit do t’i jepet produkti dhe në çastin e blerjes janë vendosur të dhënat e
tij. Korrierit, në çastin e dorëzimit, i paraqitet letërnjoftimi ose pasaporta e blerësit ose
marrësit të porosisë. Në rast se blerësi nuk ndodhet në
adresën e tij në çastin e dorëzimit të porosisë, korrieri komunikon direkt me blerësin në numrin
e tij të kontaktit të plotësuar në adresën e porosisë.

Mënyrat e transportit:

• Në Shqipëri : Albanian Courier

• Jashtë Shqipërisë : www.ups.com

Pas porosisë së blerësit, Digit-Alb lëshon një faturë për produktin që do të transportojë në
adresën e blerësit. Për çdo transport të kryer, blerësit i dërgohet elektronikisht dhe/ose me
sherbim postar, fatura përkatëse bashkë me dërgesën/porosinë (fatura nënkupton informacion mbi produktet e blera, çmimet përkatëse të tyre në lekë dhe në euro, si dhe kostot e transportit).
Hartimi i faturës bëhet sipas porosisë së blerësit në çastin e blerjes. Nuk mund të aplikohen
ndryshime në faturë pas lëshimit të saj.
Shpenzimet për transportin janë në ngarkim të blerësit dhe janë të paraqitura dukshëm gjatë finalizimit të procesit të blerjes, përpara përfundimit të saj.
Produkti i blerë do të dorëzohet me rrugë postare, të përcaktuar nga Digit-Alb. Transporti do të
kryhet brenda datave limit të përcaktuara në procesin e blerjes në ditët: nga e hëna në të premte,
me përjashtim të ditëve të pushimit javor dhe pushimet zyrtare në shtetin e origjinës dhe në
shtetin e dorëzimit të produktit. Digit-Alb nuk është përgjegjës për vonesat që shkaktohen nga
korrieri/shërbimi postar.
Në çdo rast, përveç forcave madhore, produkti do të dorëzohet te blerësi brenda një afati 10 ditor
(ditë pune) nga data e konfirmimit me e-mail të nisjes së porosisë drejt destinacionit të adresuar
nga blerësi.

Konfirmimi i dorëzimit

Digit-Alb do t’i dërgojë blerësit një e-mail konfirmimi, ku përcakton se produkti është nisur për në adresën përkatëse dhe afatet limit të dorëzimit. Në rast se blerësi nuk konfirmon
dorëzimin e produkteve,
brenda një afati 30 ditor, produktet do të quhen të dorëzuara dhe Digit- Alb nuk mban më asnjë
përgjegjësi për to.
Paketimi
: Produktet e blera në faqe dorëzohen me paketimin origjinal të Digit- Alb.

Afatet e dorëzimit
: Blerësi krijon shportën e produkteve që dëshiron të blejë në www.digitalb.al
Afatet e dorëzimit janë:

• Transport Express jashtë Shqipërisë (3-4 ditë pune) - nga çasti i njoftimit se
dërgesa është nisur.

• Transport brenda në Tiranë - brenda 1 dite pune.

• Transport në qytete të tjera - brenda 2 ditësh pune.

• Çmimi i transportit përcaktohet nga:

Zona ku dërgohet, Shqipëri apo jashtë saj (Europa ndahet në disa zona);

Peshës volumetrike/fizike të dërgesës;

Të dhëna për shpërndarjen e dërgesave:

Për çdo blerje nevojitet të plotësohet detyrimisht informacioni i kërkuar në faqen e Digit-Alb në
çastin e kryerjes së procedurës së porosisë.

Marrja në dorëzim e produktit/porosisë:

Në çastin e dorëzimit të dërgesës nga ana e korrierit, do t’ju kërkohet të
firmosni dokumentin e marrjes në dorëzim.

Për dërgesa brenda vendit, dërgesa do t’i dorëzohet vetëm blerësit, të cilit i është destinuar
shitja. Blerësi duhet të paraqesë një dokument identifikimi.

Për dërgesa jashtë Shqipërisë, korrieri mban përgjegjësi të plotë për dorëzimin në destinacion
të dërgesës. Ju mund të informoheni mbi termat dhe kushtet në faqen zyrtare të shoqërisë së transportit (www.ups.com dhe www.albanian courier.al).

Të ndryshme

Për blerës jashtë territorit të Shqipërisë, Digit-Alb nuk mban përgjegjësi për detyrime të mundshme doganore, të cilat në çdo rast do të mbulohen nga vetë blerësi në përputhje me
legjislacionin në shtetin përkatës. Blerësi duhet të informohet paraprakisht për procedurat
doganore në vendin e dorëzimit. Blerësi duhet të informojë dhe t’i kërkojë paraprakisht
Digit-Alb (në kontaktet e përcaktuara në Faqe) dokumente të veçanta që duhet të
shoqërojnë produktin. Çdo dokument që nxirret në vendin e blerësit është përgjegjësi e këtij të
fundit.

Specifikimet e produktit:

• Produktet janë të certifikuara dhe janë në përputhje me
pajtueshmërinë (ose konformitetin) dhe kërkesat thelbësore për marketing dhe përdorim në Bashkimin
Evropian dhe përmbajnë shenjën CE;

• Nuk janë të dëmshme për shëndetin;

• Mbahen larg nga përdorimi i pakontrolluar nga të miturit;

Të dhëna jo të sakta:

• Blerësi mund të rikontaktohet nëse të dhënat personale nuk janë të sakta;

• Digit-Alb nuk mban përgjegjësi për vonesat në dorëzim, në rast se nuk janë regjistruar të dhëna të sakta, për shkak të informacioneve jo të sakta të dhëna nga blerësi apo kur të dhënat s’janë të plota;

Kthimet dhe zëvendësimet:

Për blerjet jashtë Republikës së Shqipërisë
:

Kur sinjali nuk mbulon plotësisht zonën ku përdoret aparati marrës, pavarësisht njoftimit
paraprak gjatë procesit të blerjes, blerësi mund ta kthejë aparatin duke njoftuar Digit-Alb dhe
duke e postuar atë brenda
30 ditëve nga data e dorëzimit nga korrieri, në adresën e selisë së Digit- Alb.
Produkti/et që kthehen në Digit-Alb duhet të jetë i padëmtuar dhe me paketimin origjinal.
Të gjitha shpenzimet/kostot e kthimit të produktit/eve, pavarësisht korrierit të zgjedhur
kryesisht nga blerësi, janë në ngarkim të blerësit.
Çdo shpenzim i tij për të kryer kthimin e produkteve pranë Digit-Alb s’është i rimbursueshëm.

Kushtet e kthimit të produktit/eve bazohen vetëm në sa është përcaktuar në këtë format.
Digit-Alb impenjohet të rimbursojë pagesën te blerësi brenda 10 ditëve pune nga data e dorëzimit të
produktit/eve pranë selisë së Digit-Alb. Digit-Alb, nëpërmjet një e-mail njoftues, do të bëjë me
dije blerësin për datën e rimbursimit.

Kthimi i produkteve:

Këshillohet që për produktet që ktheni, të përdoret një shërbim postar i sigurt, që ka të siguruar
produktin.
Të merren masa që blerësi të marrë një numër të produktit të transportuar, për të lejuar
vënien në dijeni të vendndodhjes së tij. Digit- Alb nuk do të mbajë asnjë përgjegjësi për
rimbursimin apo për ankesat e blerësit, në rast se nuk e merr produktin e kthyer në destinacion për
shkak humbjeje, dëmtimi apo vjedhjeje që nuk vijnë për faj të Digit-Alb.

Kostot që rimbursohen nga Digit-Alb:
Digitab rimburson kostot e kthimit vetëm në rastet kur dorëzimi i produkteve në
destinacion nuk është kryer sipas porosisë së blerësit për faj të Digit-Alb.

Pronësia intelektuale:

Digit-Alb garanton origjinalitetin e të gjitha produkteve të tij të blera në faqe. Produktet janë
të gjitha me logon Digit-Alb, në pronësi dhe të regjistruara si markë.

Kushtet e garancisë - Periudha e garancisë dhe llogaritja e saj:

Në parim, periudha e garancisë për produktet (aparat marrës Digit-Alb) është e shtrirë për një
periudhë prej 12 muajsh nga data e blerjes.
Garancia mbulon të gjitha defektet e prodhimit, si dhe ato të ndodhura nga mosfunksionimi i
rregullt i aparatit.
Në rastet e sipërpërmendura, që ndodhin përgjatë periudhës së garancisë, aparati
riparohet brenda 3 ditësh pune, dhe nëse nuk riparohet, ndërrohet brenda 1 dite pune.

Zëvendësimi i aparatit bëhet vetëm nga Digit-Alb apo i autorizuari i tij; (në këto afate nuk përfshihen afatet për transportin e produktit në adresën përkatëse).
Garancia e produktit u ofrohet vetëm blerësve të parë, pra ku është kryer instalimi origjinal i
aparatit marrës;
Për dëmtime të aparatit marrës gjatë afatit të garancisë, kostot e dërgimit/transportit
pranë Digit-Alb janë në ngarkim të blerësit. Digit- Alb riparon dhe/apo zëvendëson aparatin marrës
dhe mbulon kostot e dërgimit të aparatit pranë blerësit, kompenson në abonim periudhën e humbur nga mosfunksionimi i aparatit marrës.

Raste të veçanta të riparimeve brenda garancisë

Në raste të veçanta mund të pranohen riparime jashtë garancisë si brenda garancisë, kur blerësi paraqet arsye të mjaftueshme pranë Digit-Alb dhe merr miratimin
e tij.
Riparime të veçanta mund të kryhen pas miratimit të DGA edhe në rastet e mëposhtme:

a. Hedhje e software të aparatit në periudha të caktuara dhe ndërrimi i komponentëve të caktuar
sipas nevojave të Digit-Alb.

Përcaktimi i produktit jashtë garancisë

• Aparatet marrëse do të quhen jashtë garancisë kur periudha e mbulimit nga garancia
ka mbaruar;

• Aparatet marrëse do të quhen jashtë garancisë në rastet kur në to është ndërhyrë nga
persona jo të autorizuar nga Digit-Alb;

• Goditje elektrike;

• Luhatjet e tensionit;

• Dëmtimet mekanike;

• Dëmtime fizike;

• Dëmtime nga shkarkimet atmosferike;

• Kur nuk shoqërohet me kontratën e shitjes;

• Nuk do të kryhen shërbime brenda garancisë, edhe kur produkti është brenda
periudhës së mbuluar nga garancia, kur dëmtimi ka ardhur nga faktorët si më poshtë:

• Keqpërdorimi, përfshirë dëmtimin nga lëngjet (ujë).

• Të gjitha pajisjet që janë manipuluar apo të cilave nuk mund t’u identifikohet numri
serial i prodhimit, janë të përjashtuara nga të drejtat dhe përfitimet e periudhës së garancisë.

• Dëmet e shkaktuara nga blerësi si rezultat i instalimit jokorrekt dhe jo në
përputhje me udhëzimet e përcaktuara nga Digit-Alb, janë tërësisht nën përgjegjësinë e plotë të
blerësit.

Mënyrat e pagesës:

• Kartë Krediti / Debiti

• Pay Pal

Blerësi mund të blejë jo më shumë 3 (tre) produkte të të njëjtit lloj brenda 1 (një) dite.
Përpara çdo blerjeje, blerësi duhet të sigurohet se përdorimi i produkteve dhe
aksesorëve të tij është i lejueshëm në vendin/pozicionin e përdorimit dhe nëse nga Digit-Alb
ofrohet mbulim me sinjal (nëse është e lejueshme vendosja e antenës satelitore). Informacioni në
lidhje
me mbulimin me sinjal paraqitet në hartat përkatëse që ndodhen në faqe.

Pronësia intelektuale:

Digit-Alb garanton origjinalitetin e të gjitha produkteve të tij të blera në faqe. Produktet janë
të gjitha të loguara me markën Digit-Alb.

Konfidencialiteti dhe mbrojtja e të dhënave personale
.

Asnjë informacion nuk do t’i bëhet publik palëve të treta nga palët, pa miratimin me shkrim të
palës tjetër, përveç rastit kur ligji e parashikon ndryshe.

Digit-Alb deklaron dhe garanton se do të mbledhë, mbajë, përpunojë, apo mbajë në ndonjë mënyrë
tjetër çdo të dhënë personale lidhur me abonentët në përputhje të plotë me Ligjin nr. 9887, datë
10.03.2008 “Për mbrojtjen e të dhënave personale në Republikën e Shqipërisë”,
legjislacionin e zbatueshëm dhe rregulloret përkatëse si dhe kushtet e përcaktuara në këto terma.
Të gjitha të dhënat e kartës së kreditit/debitit apo të dhëna të tjera financiare nuk kanë asnjë
lidhje me Digit-Alb apo faqen e tij. Këto të dhëna janë të aksesueshme vetëm nga faqja
www.raiffeisen.al
. Digit-Alb nuk mban asnjë përgjegjësi për të dhënat financiare, pasi nuk ka asnjë akses në to.
Në lidhje me të dhënat postare dhe numrin e telefonit të blerësit, ato kalojnë nga Digit-Alb te korrieri, dhe Digit-Alb nuk mban asnjë përgjegjësi për përdorimin e tyre.

Me konfirmimin e
blerjes, blerësi jep miratimin e shprehur që këto të dhëna do t’i kalojnë korrierit për të kryer
transportin dhe dorëzimin e porosisë së tij.

Ligji

Këto parime të përgjithshme rregullohen nga legjislacioni shqiptar në fuqi dhe gjykata kompetente është Gjykata e Juridiksionit të Përgjithshëm të Rrethit Gjyqësor Tiranë. Për
sa nuk parashikohet në këto terma, zbatohet legjislacioni shqiptar në fuqi.

Kontaktet

Për asistencë të mëtejshme në blerjet online, ankesa, kërkesa dhe për
më shumë informacion, blerësi ose klienti potencial na kontakton në adresën:

[email protected]

në numrin e telefonit fiks: 00355 4 238 8051.

Orari: Nga e hëna në të premte
. Nga ora 09:00 - 16:00

Blerësi ose klienti potencial mund të kontaktojë në rrugë postare në adresën e selisë:

Digit-Alb SH.A

Rruga: Autostrada Tiranë-Durrës km.1, Rr. “Pavarësia”, Nr.39,
Kashar, Tiranë, Shqipëri
Sektori i Shitjeve “OnlineUnit”

Të tjera

Për sa parashikuar në këtë dritare, nevojitet të vlerësohet dhe
interpretohet një raport me tërësinë e përcaktimeve të tjera të faqes.

Digit-Alb rezervon të drejtën të ndryshojë kryesisht përcaktimet sa më sipër.

Blerësi, në çdo blerje, duhet të njihet me këto përcaktime dhe në vijim
duhet të procedojë me blerjen përkatëse.